తెలుగు, తమిళ్ ప్రేక్షకులపై ఊహించని ట్వీట్ చేసిన రెహమాన్..!!

ఆస్కార్ అవార్డు గ్రహీత.. ప్రముఖ సంగీత దర్శకుడు ఏఆర్ రెహమాన్ గురించి.. ఆయన పాపులారిటీ గురించి ప్రత్యేకంగా పరిచయం చేయాల్సిన అవసరం లేదు. అద్భుతమైన సంగీతంతో ఎంతో మంది అభిమానులను సంపాదించుకున్నారు.. తాజాగా భారతీయ చిత్ర పరిశ్రమ నుంచి ఆర్ ఆర్ ఆర్ సినిమాలోని నాటు నాటు పాట ఆస్కార్ నామినేషన్లో నిలవడంపై ఆయన స్పందించారు. దాదాపు కొన్ని దశాబ్దాల తర్వాత ఒక భారతీయ చిత్ర పరిశ్రమ అది కూడా తెలుగు చిత్ర పరిశ్రమలో తెరకేక్కిన ఆర్ఆర్ఆర్ సినిమా ఆస్కార్ నామినేషన్ లో ఉండడం పై రెహమాన్ స్పందించడం ఇప్పుడు ఆసక్తికరంగా మారింది.

ఆయన ట్విట్టర్ వేదికగా తన సంతోషాన్ని వ్యక్తం చేస్తూ నాటు నాటు పాటకు గోల్డెన్ గ్లోబ్ అవార్డు రావడం చాలా సంతోషంగా ఉంది. అలాగే ఈ పాట ఆస్కార్ నామినేషన్ లో నిలవడం మరింత సంతోషంగా ఉంది. తప్పకుండా ఈ పాటకు ఆస్కార్ రావాలి అని దేశమంతా కోరుకుంటున్నారు. తాను కూడా నాటు నాటు పాటకు ఆస్కార్ అవార్డు రావాలని కోరుకుంటున్నాను అంటూ రెహమాన్ ట్వీట్ చేసాడు. రెహమాన్ ఇలా ట్వీట్ చేయగా.. ఒక నెటిజన్ స్పందిస్తూ..” మన తమిళ వాళ్ళు తెలుగువారిపై ప్రేమను కురిపిస్తున్నారు. ఇలా తమిళ వాళ్ళు ఆస్కార్ అవార్డు రావాలని కోరుకుంటారు. కానీ తెలుగు వారికి తమిళ్ లు అంటే చాలా ద్వేషం అంటూ ఒక నెటిజన్ ట్వీట్ చేశాడు.

ఈ ట్వీట్ పై స్పందించిన రెహమాన్ సమాధానం చెబుతూ.. మనమంతా ఒకే కుటుంబం.. అందరికీ మనస్పర్ధలు రావడం సర్వసాధారణం.. అయితే మనస్పర్ధలు వచ్చినప్పటికీ ఒకరికొకరు సాయంగా ఉండాలి.. ఒకరికొకరు అండగా నిలబడాలి అంటూ రెహమాన్ సమాధానం ఇవ్వగా ప్రస్తుతం ఈ ట్వీట్ సోషల్ మీడియాలో వైరల్ గా మారుతోంది.