Thalapathy66 : విజయ్ 66వ మూవీలో రష్మిక మందన..

టాలీవుడ్ స్టార్, నేషనల్ క్రష్ రష్మిక మందన గురించి సినీ ప్రేక్షకులకు ప్రత్యేకంగా పరిచయం చేయాల్సిన అవసరం లేదు. ఈ ముద్దుగుమ్మ ఛలో సినిమాతో తెలుగు ఇండస్ట్రీలోకి ఎంట్రీ ఇచ్చింది. ఈ సినిమా మంచి విజయం సాధించడంతో రష్మిక మందన కు టాలీవుడ్ ఇండస్ట్రీలో క్రేజీ సినిమా అవకాశాలు దక్కాయి.

అందులో భాగంగా ఈ ముద్దుగుమ్మ నటించిన గీతా గోవిందం, సరిలేరు నీకెవ్వరు, పుష్ప సినిమాలు బ్లాక్ బాస్టర్ విజయాలను బాక్స్ ఆఫీస్ సాధించాయి. ఇలా హీరోయిన్ గా తనకంటూ ఒక ప్రత్యేక గుర్తింపు తెచ్చుకున్న హీరోయిన్ రష్మిక మందన ఇటీవల మరో బిజినెస్ మొదలు పెట్టింది. యూట్యూబ్ ఛానల్ ను ప్రారంభించి రచ్చ చేస్తోంది హీరోయిన్ రష్మిక.

ఇది ఇలా ఉండగా తలపతి 66 పేరుతో విజయ్ తదుపరి చిత్రంలో రష్మిక మందన్న కథానాయికగా నటిస్తుందని అధికారికంగా ప్రకటించింది చిత్ర బృందం. ఈ రోజు రష్మిక పుట్టినరోజు సందర్భంగా ఈ విషయాన్ని ప్రకటించారు. వంశీ పైడిపల్లి దర్శకత్వంలో తలపతి 66 తమిళ-తెలుగు భాషలలొ వస్తోంది. శ్రీ వెంకటేశ్వర క్రియేషన్స్‌పై దిల్ రాజు నిర్మిస్తున్న ఈ సినిమా షూటింగ్ త్వరలో ప్రారంభం కానుంది. ఈ చిత్రానికి ఎస్ థమన్ సంగీతం సమకూరుస్తాడనే ఊహాగానాలు జోరందుకున్నాయి.