ఐపీఎల్ 2025 టోర్నమెంట్ కోసం… సర్వం సిద్ధమవుతున్నాయి. ఇండియన్ ప్రీమియర్ లీగ్ 2025 టోర్నమెంట్ కు సంబంధించిన మెగా వేలం తేదీ ఖరారు కానుంది. నవంబర్ చివర్లో లేదా డిసెంబర్ మొదటి వారంలో ఈ మెగా వేలం నిర్వహించనున్నారు. అయితే ఇలాంటి నేపథ్యంలో బెంగళూరు రాయల్ చాలెంజర్స్ జట్టులో కీలక మార్పులు జరిగే అవకాశాలు ఉన్నట్లు నేషనల్ మీడియాలో కథనాలు వస్తున్నాయి. బెంగళూరు రాయల్ చాలెంజర్స్ జట్టుకు… ఈసారి కొత్త కెప్టెన్ రాబోతున్నట్లు సమాచారం.
ఆ కొత్త కెప్టెన్ ఎవరో కాదు విరాట్ కోహ్లీ అని వార్తలు వస్తున్నాయి. గతంలోనే బెంగళూరు కెప్టెన్ గా విరాట్ కోహ్లీ పని చేశాడు. అయినప్పటికీ బెంగళూరు ఎక్కడ కూడా… కప్ గెలవలేదు. దీంతో అతని తప్పించి డూప్లిసిస్కు… 2022లో కెప్టెన్సీ ఇచ్చారు. అయినప్పటికీ ఆర్ సి బి భవితవ్యం మారలేదు. 17 ఏళ్లుగా ఇదే తంతు. ఇంటర్నేషనల్ ప్లేయర్లు అలాగే బడా ప్లేయర్లు కెప్టెన్సీ వహించినా కూడా… బెంగళూరు జట్టుకు మాత్రం ఐపీఎల్ కప్పు రావడం లేదు. ఈ తరుణంలో ఈసారి మళ్లీ విరాట్ కోహ్లీకి ఇవ్వాలని అనుకుంటున్నారట. దీనిపై రెండు రోజుల్లో ప్రకటన రాబోతున్నట్లు వార్తలు వస్తున్నాయి.
