లాక్ డౌన్ ఎత్తి వేశాక తిరుమలకు క్రమంగా భక్తుల రద్దీ మళ్లీ పెరుగుతోంది. నిన్న శ్రీవారిని 22462 మంది భక్తులు దర్శించుకున్నారు అయితే అందులో 7860 మంది భక్తులు తలనీలాలు కూడా సమర్పించారు. అయితే తాజాగా అందుతున్న సమాచారం మేరకు ఈ లాక్ డౌన్ ఎత్తి వేశాక రికార్డు స్థాయి హుండీ ఆదాయం నిన్న నమోదయినట్లు తెలుస్తోంది.
ఏకంగా 3. 26 కోట్లు ఆదాయం లభించినట్లు సమాచారం. ఇక ఈ రోజు శ్రీవారి ఆలయంలో దీపావళి ఆస్థానం నిర్వహించనున్నారు. ఈ నేపథ్యంలో ఆర్జిత సేవలను రద్దు చేశారు. మరో పక్క ఈ రోజు ఆన్లైన్లో వర్చువల్ ఆర్జిత సేవా టిక్కెట్లను టిటిడి విడుదల చేసింది. ఇక మీదట ప్రతి నెల చివరి వారంలో ఆర్జిత సేవా టిక్కెట్లను ఆన్ లైన్ లో విడుదల చేయనున్నట్లు టిడిపి పేర్కొంది.
