మహేష్ కెరీర్లో ఎన్నో అంచనాల మధ్య విడుదలైన ఖలేజా చిత్రం బాక్సాఫీసు వద్ద సరిగ్గా ఆడలేదు. అతిధి తర్వాత మూడు సంవత్సరాలకి వచ్చిన ఈ చిత్రం ప్రేక్షకులకి అంతగా రుచించలేదు. మాటల మాంత్రికుడు త్రివిక్రమ్ దర్శకత్వం వహించిన ఈ సినిమాలో అనుష్క శెట్టి హీరోయిన్ గా కనిపించింది. కష్టాల్లో ఉన్నప్పుడు దేవుడే మనిషి రూపంలో వస్తాడన్న కాన్సెప్ట్ తో వచ్చిన ఈ చిత్రం థియేటర్లలో సరిగ్గా ఆడనప్పటికీ బుల్లితెర మీద సూపర్ సక్సెస్ అయ్యింది.
Khaleja turns 10!! Reinvented myself as an actor!! Will remain a special one!! All thanks to my good friend and the brilliant Trivikram… Looking forward to our next… very soon 😎😎😎 pic.twitter.com/X1aPwTGpEF
— Mahesh Babu (@urstrulyMahesh) October 7, 2020
అతడు సినిమాలో మహేష్ కి ఎక్కువగా డైలాగులు ఉండవు. కానీ ఖలేజా సినిమాలో డైలాగులతోనే మహేష్ అందర్నీ నవ్విస్తాడు. ఐతే 2010లో రిలీజైన ఈ చిత్రం పదేళ్ళు పూర్తి చేసుకుంది. ఈ సందర్భంగా మహేష్ బాబు ట్విట్టర్ వేదికగా ఈ విషయాన్ని పంచుకున్నాడు. నటుడిగా నన్ను మార్చిన సినిమా అని చెబుతూ, నా కెరీర్లో ప్రత్యేకంగా నిలిచిపోతుందని అన్నాడు. దర్శకుడు త్రివిక్రమ్ కి థ్యాంక్స్ చెబుతూ మరికొద్ది రోజుల్లో మళ్ళీ త్రివిక్రమ్ తో సినిమా ఉండబోతుందని తెలియజేసాడు.
