రూ.70 కోట్లు.. 15 నిమిషాల్లో ఎంత లెక్కిస్తే అంత మీ సొంతం.. ఉద్యోగులకు కంపెనీ బంపరాఫర్

తమ ఉద్యోగులకు ఓ చైనా కంపెనీ బంపరాఫర్ ప్రకటించింది. వార్షిక బోనస్ కింద రూ.70 కోట్లు ప్రకటించింది.అంతటితో ఆగకుండా వారికి ఓ టాస్క్ ఇచ్చింది. రూ.70 కోట్లను ఓ పొడవాటి టేబుల్ మీద పరిచింది. 15 నిమిషాల్లో ఉద్యోగులు ఎంత త్వరగా డబ్బులు లెక్కిస్తారో.. ఆ అమౌంట్ మొత్తం వారికే అని ప్రకటన చేసింది.

చైనాకు చెందిన హెనన్ మైన్ క్రేన్ సంస్థ తమ కంపెనీ ఉద్యోగులకు ఈ బంపర్ ఆఫర్ ప్రకటించింది. 60 నుంచి 70 మీటర్ల టేబుల్‌పై ఈ మొత్తాన్ని ఉంచి ఉద్యోగులను 30 టీమ్స్‌గా డివైడ్ చేసింది. ఒక్కో టీమ్ నుంచి ఇద్దరు మాత్రమే వచ్చి 15 నిమిషాల్లో ఎంత లెక్కపెడతారో అంత ఆ టీమ్ తీసుకోవచ్చని ఆఫర్ ఇచ్చింది.ఇందుకు సంబంధించిన వీడియో సోషల్ మీడియాలో వైరల్ అయ్యింది. 2023 జనవరిలోనూ ఇదే విధంగా హెనన్ మైన్ క్రేన్ సంస్థ తమ ఉద్యోగులకు రూ.70 కోట్ల బోనస్ ఇచ్చినట్లు తెలుస్తోంది.