ఇంగ్లండ్తో జరుగుతున్న మూడో టెస్టులో సర్ఫరాజ్ ఖాన్ అరంగేట్రం చేశారు. మూడో టెస్టులో యువ క్రికెటర్ సర్ఫరాజ్ ఖాన్ స్టన్నింగ్ ఇన్నింగ్స్ ఆడుతూ రనౌట్ అయ్యారు. అయితే, ఓ యాదృచ్ఛిక సంఘటన ఇప్పుడు సోషల్ మీడియాలో వైరల్ అవుతోంది. ఈ మ్యాచ్లో సర్ఫరాజ్కు క్యాప్ అందించిన దిగ్గజ క్రికెటర్ అనిల్ కుంబ్లే కూడా తన తొలి టెస్ట్లో రనౌట్ అయ్యారు. ఇవాళ క్యాప్ అందుకున్న సర్ఫరాజ్ కూడా కుంబ్లేలానే తొలి మ్యాచ్లో రనౌట్గా వెనుదిరిగారని నెటిజన్లు కామెంట్స్ చేస్తున్నారు. ఇక కెరీర్లో తొలి ఇంటర్నేషనల్ మ్యాచ్ ఆడుతున్న సర్ఫరాజ్ ఖాన్ 62 రన్స్ చేసి ఆకట్టుకున్నాడు.
ఇదిలా ఉంటే….రాజ్కోట్ వేదికగా ఇంగ్లండ్ , ఇండియా మధ్య జరుగుతున్న మూడో టెస్టులో తొలి రోజు ఆట ముగిసింది. ఆట ముగిసే సమయానికి ఇండియా 5 వికెట్లు కోల్పోయి 326 పరుగులు చేసింది. క్రీజులో జడేజా (110), కుల్దీప్ యాదవ్ (1) ఉన్నారు. ఈ టెస్ట్ లో కెప్టెన్ రోహిత్ శర్మ సెంచరీ తో కదం తొక్కారు.ఇంగ్లాండ్ బౌలర్లలో మార్క్ వుడ్ 3, హార్ట్ ఒక వికెట్ పడగొట్టారు.
