మీరు సొంత ఇంటి కల సాకారం చేసుకోవాలి అని అనుకుంటున్నారా…? లోన్ తీసుకోవాలన్నా ప్లాన్ లో ఉన్నారా…? అయితే ఇది మీకు మంచి వార్త అనే అనాలి. ఎందుకంటే స్టేట్ బ్యాంక్ ఆఫ్ ఇండియా చౌక వడ్డీకే రుణాలు అందిస్తోంది పైగా ప్రాసెసింగ్ ఫీజు కూడా మినహాయిస్తోంది. దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI అందిస్తున్న ఈ సేవ గురించి పూర్తి వివరాలని ఇప్పుడే తెలుసుకోండి.
ఇది ఇలా ఉండగా మార్చి 31 వరకు బ్యాంక్ నుంచి హోమ్ లోన్ తీసుకునే వాళ్ళకి ఎలాంటి ప్రాసెసింగ్ ఫీజు చెల్లించక్కర్లేదు. ఇది మాత్రమే కాదు బ్యాంక్ నుంచి చౌక వడ్డీకే రుణాలు తీసుకోవచ్చు అని స్టేట్ బ్యాంక్ వెల్లడించింది. హోమ్ లోన్స్‌పై వడ్డీ రేటు 6.8 శాతం నుంచి ప్రారంభమౌతోంది. ఎస్‌బీఐ.. హోమ్ లోన్స్ మార్కెట్‌లో 34 శాతం వాటాతో సాగుతోంది. రోజుకు సగటున దాదాపు 1,000 మందికి ఎస్‌బీఐ హోమ్ లోన్స్ అందిస్తోందట.
