చాలా రోజుల తర్వాత ప్రశాంతంగా నిద్రపోయా : కిరణ్ అబ్బవరం

తెలుగు సినిమా ఇండస్ట్రీలో యువహీరోగా చెలామణి అవుతున్న కిరణ్ అబ్బవరం నటించిన కొత్త మూవీ ‘క’ నేడు (గురువారం) దీపావళి సందర్భంగా థియేటర్ల ముందుకు వచ్చింది. ఈ మూవీ ట్రైలర్ ఇటీవల విడుదలవ్వగా మంచి పాజిటివ్ రెస్పాన్స్ వచ్చింది. కాగా, మూవీకి పాజిటివ్ టాక్ రావడంతో హీరో కిరణ్ అబ్బవరం ఆనందం వ్యక్తం చేశారు. తాము పడిన శ్రమకు ఫలితం దక్కిందని వెల్లడించారు.

చాలా కాలం తర్వాత సంతోషంగా నిద్రపోయానని టాలీవుడ్ హీరో కిరణ్ అబ్బవరం ట్వీట్ చేశారు. దీపావళిని సంతోషకరంగా మార్చినందుకు అందరికీ కృతజ్ఞతలు చెప్పారు. ఆపై అందరికీ దీపావళి శుభాకాంక్షలు తెలిపారు. కిరణ్ అబ్బవరం గతంలో నటించిన సినిమాలు అన్ని ప్లాఫ్ అవ్వగా.. తాజా మూవీ సక్సెస్ టాక్ రావడంతో చిత్రబృందం ఆనందం వ్యక్తం చేస్తోంది.