ప్రముఖ బాలీవుడ్‌ నటి సోనాక్షి సిన్హాపై సోషల్ మీడియాలో అసభ్యకర వ్యాఖ్యలు చేసిన యువకుడిని ముంబై పోలీసులు అరెస్ట్ చేసారు. మహారాష్ట్రలోని ఔరంగాబాద్‌కు చెందిన ఓ యువకుడు సోనాక్షిని తిడుతూ సోషల్ మీడియాలో పోస్టులు పెట్టాడు. ఇది సోనాక్షి దృష్టికి వెళ్లడంతో ఆమె ముంబై పోలీసులకు ఫిర్యాదు చేసారు. దీనిపై కేసు నమోదు చేసుకున్న పోలీసులు యువకుడిని నిన్న అదుపులోకి తీసుకోవడంతో సోనాక్షి పోలీసులకు కృతజ్ఞతలు తెలిపారు.
ఇకపోతే సోషల్ మీడియాలో అలాగే సామాజిక అంశాల ప‌ట్ల ఎప్ప‌టిక‌పుడు త‌న అభిప్రాయాల‌ను పంచుకునే సోనాక్షిసిన్హా. సైబ‌ర్ థ్రెట్స్, ఆన్ లైన్ బెదిరింపుల‌కు ముగింపు ప‌లికే ఉద్దేశంతో అబ్ బాస్ అనే కార్య‌క్ర‌మాన్ని చేపట్టిన సంగతి తెలిసిందే. అయితే సెలబ్రిటీలపై సోషల్ మీడియాలో అసభ్యకర వ్యాఖ్యలు చేయడం ఇదేం కొత్త కాదు.
