పంజాబ్ కింగ్స్ తో జరిగిన మ్యాచ్ లో ఇవాళ రాజస్థాన్ జట్టు 50 పరుగుల తేడాతో ఘన విజయం సాధించింది. తొలుత బ్యాటింగ్ చేసిన రాజస్థాన్ 205 పరుగులు చేసింది. ఓపెనర్ యశస్వి జైస్వాల్ 67, శాంసన్ 38, రియాన్ పరాగ్ 43, నితిష్ రాణా 12, హిట్మేయర్ 20, జురెల్ 13 పరుగులు చేయడంతో రాజస్థాన్ భారీ స్కోర్ సాధించింది.
ఇక 206 పరుగుల లక్ష్యానికి బరిలోకి దిగిన పంజాబ్ కింగ్స్ తొలి ఒవర్ తొలి బంతికే వికెట్ కోల్పోవడం విశేషం. మరోవైపు కెప్టెన్ శ్రేయాస్ అయ్యర్ కూడా రెండు ఫోర్లు బాదిన తరువాత మొదటి ఓవర్ చివరి బంతికి ఔట్ అయ్యాడు. జోఫ్రా ఆర్చర్ తొలి ఓవర్ అద్భుతమైన బంతులు వేసి ఇద్దరి వికెట్లు తీశాడు. పంజాబ్ జట్టు 155/9 స్కోరుకే పరిమితమైంది. నెహాల్ పధేరా 62, మాక్స్ వెల్ 30 మినహా జట్టులో అందరూ విఫలం చెంారు. RR బౌలర్లలో ఆర్చర్ 3, సందీప్ శర్మ, తీక్షణ చెరో 2 వికెట్లు, కుమార్ కార్తికేయ, హసరంగ చెరో వికెట్ తీశారు. ఈ సీజన్ లో పంజాబ్ కింగ్స్ కి ఇదే తొలి ఓటమి కావడం విశేషం.
