టీమిండియా క్రికెటర్ రోహిత్ శర్మ గురించి ప్రత్యేకంగా చెప్పాల్సిన అవసరమే లేదు. ఆయన నిత్యం సోషల్ మీడియాలో చాలా యాక్టివ్ గా ఉంటారు. రోహిత్ భార్య రితికా సజ్దే నిన్న పండంటి మగబిడ్డకు జన్మనిచ్చిన విషయం తెలిసిందే. ఈ నేపథ్యంలో రోహిత్ ఆసక్తికర ట్వీట్ చేశారు. మేము నలుగురమయ్యామంటూ సోషల్ మీడియాలో ఫ్యామిలీ అని రాసి ఉన్న ఫోటోను షేర్ చేశారు. ఈ శుభవార్తను ఆయన అభిమానులతో పంచుకున్నాడు.
ఇక ఇప్పటికే రోహిత్ శర్మ-రితిక దంపతులకు సమైరా అనే కూతురు ఉంది. ఇప్పుడు వారికి పుత్రోదయం అయింది. డిసెంబర్ 13, 2015లో వీరి వివాహం జరిగింది. ప్రేమ వివాహం చేసుకున్నారు వీరు. డిసెంబర్ 30, 2018లో వీరి జీవితంలోకి సమైరా వచ్చింది. బోర్డర్-గవాస్కర్ ట్రోపీ సమయంలో ఆడ కూతురు జన్మించింది. ఇప్పుడు ఆస్ట్రేలియాతో ఐదు టెస్ట్ ల సిరీస్ కోసం టీమిండియా ఆ దేశానికి చేరుకుంది. భార్య రెండో కాన్పు ఉండటంతో రోహిత్ శర్మ భారత్ లోనే ఉండిపోయాడు. టీమిండియా ప్లేయర్లు సూర్యకుమార్ యాదవ్, సంజు శాంసన్, తిలక్ వర్మ రోహిత్ శర్మకు శుభాకాంక్షలు తెలిపారు.
