నందమూరి బాలకృష్ణ హీరోగా రాబోతోన్న వీర సింహారెడ్డి సినిమా మీద ఎంతటి అంచనాలున్నాయో అందరికీ తెలిసిందే. మాస్ పల్స్ తెలిసిన డైరెక్టర్ గోపీచంద్ మలినేని ఈ సినిమాను బీ, సీ సెంటర్ల ప్రేక్షకుల కోసమే తెరకెక్కించినట్టు అర్థమవుతోంది. బాలయ్య లుక్, గెటప్, డైలాగ్స్ ఇలా అన్నీ కూడా మాస్ ఆడియెన్స్‌ను మెప్పించేలానే ఉన్నాయి. అయితే ఈ సినిమా నుంచి విడుదల చేసిన ఫస్ట్ సాంగ్ జై బాలయ్య మాత్రం దారుణంగా ట్రోలింగ్‌కు గురైంది.
జై బాలయ్య ఆంథమ్ అంటూ వచ్చిన ఈ పాటకు నాటి ఒసేయ్ రాములమ్మ పాటకు కాపీ ట్యూన్‌గా నిలిచింది. దీంతో జనాలు వీర సింహారెడ్డి జై బాలయ్య పాటను ట్రోల్ చేయసాగారు. బాలయ్య వీర సింహారెడ్డి, చిరంజీవి వాల్తేరు వీరయ్యలు సంక్రాంతి బరిలో నిలవడంతో ప్రతీ విషయంలో పోటీ నెలకొంది. ఏ చిన్న అప్డేట్ వచ్చినా పోలికలు పెట్టేస్తున్నారు ఇరు హీరోల అభిమానులు. అయితే తాజాగా.. నందమూరి బాలకృష్ణ నటిస్తున్న ‘వీరసింహారెడ్డి’ సినిమా నుంచి మరో అప్డేడేట్ వచ్చింది. డిసెంబర్ 15న ‘సుగుణ సుందరి’ అనే పాటను రిలీజ్ చేయనున్నట్లు మేకర్స్ ప్రకటించారు. బాలయ్య మాస్ ఎనర్జీ చూసేందుకు సిద్ధమా అని అభిమానుల్లో ఆసక్తిని పెంచేశారు. కాగా, గోపిచంద్ మలినేని దర్శకత్వం వహిస్తున్న ఈ మూవీ వచ్చే ఏడాది జనవరి 12న రిలీజ్ కానుంది. బాలయ్య సరసన శ్రుతి హాసన్ నటిస్తోంది.
