తెలంగాణ అసెంబ్లీ సమావేశాలు ప్రారంభం అయ్యాయి. ఈ సందర్బంగా జాతీయ గీతాన్ని ఆలపించారు తెలంగాణ ఎమ్యెల్యేలు. అయితే ఈ అసెంబ్లీ సమావేశాల సందర్భంగా ముఖ్యంగా… గణపతి బప్పా మోరియా కావలయ్యా యూరియా అంటూ నిరసన తెలిపారు బీఆర్ఎస్ ఎమ్మెల్యేలు, ఎమ్మెల్సీలలు. గన్ పార్క్ వద్ద ఖాళీ యూరియా సంచులతో బీఆర్ఎస్ ఎమ్మెల్యేలు, ఎమ్మెల్సీల నిరసన కొనసాగింది.
తెలంగాణ రాష్ట్ర వ్యాప్తంగా యూరియా కొరత తీర్చటంలో కాంగ్రెస్ ప్రభుత్వం విఫలం అయ్యిదంటూ ఆందోళన చేసారు. ప్లకార్డుల ప్రదర్శిస్తూ యూరియా కొరత తీర్చాలని, రైతులను ఆదుకోవాలని డిమాండ్ చేసారు బీఆర్ఎస్ ఎమ్మెల్యేలు, ఎమ్మెల్సీలు. నిరసనలో ఎమ్మెల్యేలు కేటీఆర్, హరీష్ రావు, పాడి కౌశిక్ రెడ్డి, సంజయ్, సుధీర్ రెడ్డి, గంగుల, వివేకానంద గౌడ్, ఎమ్మెల్సీలు దేశపతి శ్రీనివాస్, తక్కల్లపల్లి రవీందర్రావు, తాత మధు, సిరికొండ మధుసూదనాచారి తదితరులు ఉన్నారు.
