హైదరాబాద్ లో పక్కకు ఒరిగిన నాలుగు అంతస్తుల భవనం

హైదరాబాద్ ఓల్డ్ సిటీ కలకలం చోటు చేసుకుంది. హైదరాబాద్ ఓల్డ్ సిటీ బహదూర్ పురాలో ఒక్కసారిగా నాలుగు అంతస్తుల భవనం పక్కకు ఒరిగింది. రెండంతస్తుల పర్మిషన్ తీసుకుని నాలుగు అంతస్తులు కట్టేశాడు ఆ ఇంటి ఓనర్. ఈ తరుణంలోనే.. భవనం కింది భాగంలో పగుళ్లు చోటు చేసుకున్నాయి. ఇక ఇవాళ ఒక్కసారిగా నాలుగు అంతస్తుల భవనం పక్కకు ఒరిగింది.

దీంతో స్థానికులు అధికారులకు అటు పోలీసులకు సమాచారం ఇచ్చారు. దీంతో రంగంలోకి దిగిన పోలీసులు… బిల్లింగ్ చుట్టుపక్కల వారిని ఖాళీ చేయించారు. అటు భవన యజమాని పై కేసు నమోదు చేశారు పోలీసులు. ప్రస్తుతం భవన యజమాని పరారీలో ఉన్నాడట. భవన యజమాని కోసం పోలీసులు గాలిస్తున్నారు. సరిగ్గా ఇలాంటి సంఘటనే ఇటీవల కాలంలో హైదరాబాద్‌ లోనే జరిగిన సంగతి తెలిసిందే.