హైదరాబాద్లో ఈనెల 17న రాధిక అనే నగల వ్యాపారి వద్ద డ్రైవర్గా పనిచేస్తున్న శ్రీనివాస్ రూ.7 కోట్ల విలువైన వజ్రాభరణాలు చోరీ చేసిన విషయం తెలిసిందే. ఈ కేసులో దర్యాప్తు ముమ్మరం చేసిన పోలీసులు 4 బృందాలుగా ఏర్పడి శ్రీనివాస్ కోసం వెతకడం ప్రారంభించారు. సీసీటీవీ, సెల్ఫోన్ సిగ్నల్స్ ఆధారంగా ఎట్టకేలకు ఖమ్మం జిల్లాలో ఏపీ సరిహద్దు వద్ద అతడిని పట్టుకున్నారు. శ్రీనివాస్ను అరెస్టు చేసిన ఎస్సార్నగర్ పోలీసులు అతడిని హైదరాబాద్కు తరలిస్తున్నారు. నగరానికి తీసుకువచ్చిన తర్వాత అతడిపై విచారణ జరపనున్నట్లు తెలిపారు.
నగల వ్యాపారి రాధిక.. అనూష అనే మహిళకు నగలు డెలివరీ చేయమని ఈనెల 17న డ్రైవర్ శ్రీనివాస్, సెల్స్మెన్ అక్షయ్లను పంపించింది. ఈ క్రమంలో అక్షయ్ అనూషకు నగలు అందించడానికి లోపలికి వెళ్లగా కారులోనే వేచి ఉన్న డ్రైవర్ శ్రీనివాస్.. పక్కాప్లాన్ ప్రకారం రూ.7 కోట్ల విలువైన మిగతా నగలు తీసుకుని పరారయ్యాడు. ఈ విషయం అక్షయ్ రాధికకు తెలపగా.. బాధితురాలు పోలీసులకు ఫిర్యాదు చేశారు.
