అమిత్ షా ‘హిందీ’ వ్యాఖ్యలపై కేటీఆర్ కౌంటర్

తాజాగా అమిత్ షా వ్యాఖ్యలపై మంత్రి కేటీఆర్ స్పందించారు. ట్విట్టర్ వేదిగా ఆయన అమిషాపై విమర్శలు చేశారు. ఆయన వ్యాఖ్యలకు కౌంటర్ ఇచ్చారు. భిన్నత్వంలో ఏకత్వమే మనబలం అని… భారతదేశం రాష్ట్రాల సమాఖ్య, నిజమైన వసుధైక కుటుంబం అని వ్యాఖ్యానించారు. మనదేశంలో ఏం తినాలో.. ఏం ధరించాలో.. ఎవరిని ప్రార్థించాలో… ఏ భాష మాట్లాడాలో మీరే చెబుతారా..? అంటూ ఫైర్ అయ్యారు. భాషా దురాభిమానం, ఆధిపత్యం బూమరాంగ్ అవుతుందని అన్నారు. నేను మొదట భారతీయుడిని, తెలుగువాణ్ని, తెలంగాణ వాడిని అని…నా మాతృభాష తెలుగు..ఇంగ్లీష్, హిందీ కొంచెం ఉర్దూలో కూడా మాట్లాడగలని, హిందీని బలవంతంగా రుద్దడం మంచిది కాదని ట్విట్ చేశారు.