గాంధీ ఆసుపత్రి బ్యాక్ డోర్ నుండి కాంగ్రెస్ పార్టీ ఎమ్మెల్సీ బల్మూరి వెంకట్..బయటపడ్డారు. మోతీలాల్ నాయక్ ను పరామర్శించడానికి గాంధీ హాస్పిటల్ కు వచ్చిన బల్మూరి వెంకట్ ని స్టూడెంట్స్ అడ్డుకోవడంతో దొంగచాటుగా బ్యాక్ డోర్ నుండి పారిపోయారు ఎమ్మెల్సి బల్మూరి వెంకట్. వివరాల్లోకి వెళితే, ఆమరణ నిరహార దీక్ష చేస్తున్న మోతీలాల్ నాయక్ ను పరామర్శించడానికి గాంధీ హాస్పిటల్ కు వచ్చిన ఎమ్మెల్సీ బల్మూరి వెంకట్ ను అడ్డుకున్నారు నిరుద్యోగులు, ఓయూ విద్యార్థులు.
అయితే, కాంగ్రెస్ పార్టీ ఎమ్మెల్సీ బల్మూరి వెంకట్ ను అడ్డుకున్న ఓయూ విద్యార్థులపై NSUI నాయకులు దాడి చేశారు. దింతో గాంధీ హాస్పిటల్ వద్దకు భారీగా చేరుకున్నారు నిరుద్యోగులు. నిరుద్యోగుల నుండి కాంగ్రెస్ నాయకులను కాపాడేందుకు ప్రయత్నం చేశారు పోలీసులు. అయితే, గాంధీ హాస్పిటల్లో బౌన్సర్లు, కిరాయి రౌడీలతో మా మీద దాడి చేయిస్తున్నారని ఆరోపిస్తున్నారు నిరుద్యోగులు. తమ సమస్యలపై ప్రొఫెసర్ కోదండరాం పెదవులు మూసుకొని స్పందిచట్లేదు అంటూ నిప్పులు చెరిగారు నిరుద్యోగులు.
