కేసీఆర్.. సీఎం కావాలంటే వేరే రాష్ట్రానికి వెళ్లి పోటీ చేసి అవ్వాలి అంటూ టాలీవుడ్‌ నిర్మాత బండ్ల గణేష్ సెటైర్లు పేల్చారు. ఇవాళ టాలీవుడ్‌ నిర్మాత బండ్ల గణేష్..సోషల్‌ మీడియాలో మాట్లాడారు. ఈ సందర్భంగా సినీ నిర్మాత, కాంగ్రెస్ లీడర్ బండ్ల గణేష్ మాజీ మంత్రి కేటీఆర్ పై విమర్శలకు దిగారు. ‘సీఎం రేవంత్ రెడ్డిని నలుగురు బీఆర్ఎస్ ఎమ్మెల్యేలు కలవడంతో కేటీఆర్ భయపడుతున్నారు.
ప్రజల సమస్యలను చెప్పేందుకు సీఎంను కలవద్దా. వారిని భయపెట్టి ప్రెస్ మీట్ పెట్టించారు. కాంగ్రెస్ బ్రహ్మాండంగా రాష్ట్రాన్ని పరిపాలిస్తోంది. ఇంకో పదేళ్లు తెలంగాణ రాష్ట్రంలో కాంగ్రెస్సే ఉంటుంది. మీరు సీఎం కావాలనుకుంటే వేరే రాష్ట్రా ల్లో పోటీ చేయండి ‘ అని విరుచుకు పడ్డారు. అయితే.. బండ్ల గణేష్ చేసిన కామెంట్స్ పై నెటిజన్లు తీవ్ర స్థాయిలో ఫైర్‌ అవుతున్నారు. నువ్వు తాగి మాట్లాడుతున్నావా అంటూ కామెంట్స్ చేస్తున్నారు.
