కంచ గచ్చిబౌలి భూముల వ్యవహారం పై డిప్యూటీ సీఎం భట్టి విక్రమార్క ఉన్నతాధికారులతో సమావేశం అయ్యారు. వివాదస్పదంగా మారిన 400 ఎకరాల భూమిలో ప్రభుత్వం చెట్లు కోటి వేయడం పై గురువారం సుప్రీంకోర్టు సీరియస్ అయిన విషయం తెలిసిందే. మూడు రోజుల్లో 100 ఎకరాల భూమి చదును పేరుతో చెట్లు నరికివేయడంపై తీవ్ర ఆగ్రహం వ్యక్తం చేసింది. ఆ భూమిలో తదుపరి విచారణ వరకు ఎలాంటి పనులు చేపట్టవద్దని ప్రభుత్వానికి ఆదేశాలు జారీ చేసింది ధర్మాసనం.
ఈ క్రమంలో ఈ భూమి వివాదాన్ని పరిష్కరించేందుకు సీఎం రేవంత్ రెడ్డి ముగ్గురు మంత్రులతో గురువారం ఓ ప్రత్యేక కమిటీని వేశారు. ఈ కమిటీలో భట్టి విక్రమార్క, మంత్రులు శ్రీదర్ బాబు, పొంగులేటి శ్రీనివాస్ రెడ్డి సభ్యులుగా ఉన్నారు. ఈ కమిటీ HCU ఎగ్జిక్యూటివ్ కౌన్సిల్, విద్యార్థులు, జేఏసీ, సివిల్ సొసైటీ గ్రూపులతో చర్చించనుంది. పలు విభాగాల అధికారులతో డిప్యూటీ సీఎం భట్టి విక్రమార్క అత్యవసర సమావేశం నిర్వహించారు.
