రేవంత్ రెడ్డికి రక్షణ కవచంగా కమలదళం వచ్చింది. దోస్తును కాపాడేందుకు ‘చీకటి’ రాజకీయం చేస్తున్నారు అని KTR పేర్కొన్నారు.కిషన్ రెడ్డికి ఇప్పుడు మూసీ బాధితుల ఆక్రందనలు గుర్తొచ్చాయా.. లగచర్ల ఘటన డైవర్షన్ కోసం కాదా మీ మూసీ నిద్ర అని కేటీఆర్ ప్రశ్నించారు. అలాగే హైడ్రాను మొదట స్వాగతించింది మీరైతే.. బుల్డోజర్ లను అడ్డుకుంటామన్నది మేము అని ఆయన తెలిపారు.
అలాగే రేవంత్ ను మొదట అభినందించింది మీరైతే.. మూసీ బాధితులకు భరోసానిచ్చింది మేము అని పేర్కొన్నారు. ఇక అకస్మాత్తుగా మూసీ బాధితులు గుర్తుకు రావడానికి వెనుకున్న మతలబేంటి.. ఎవరిని కాపాడటం కోసం.. ఎవరిని ముంచడం కోసం.. మరెవరిని వంచించడం కోసం అని కేటీఆర్ అడిగారు. రేవంత్ ను కాపాడటం కోసమే ఈ డైవర్షన్ డ్రామాలు చేస్తున్నారు. లగచర్ల రైతులకు తెలంగాణ బీజేపీ పంగానామాలు పెడుతుంది అని తెలిపారు. ఇక మీ పాలి’ట్రిక్స్’ ను గమనిస్తోంది తెలంగాణ.. ఆట కట్టిస్తుంది సరైన వేళ అని స్పష్టం చేసారు.
