కమాండ్ కంట్రోల్ సెంటర్ ప్రారంభానికి సర్వం సిద్ధం చేశారు. ఈ రోజు మధ్యాహ్నం 1:16 కు కమాండ్ కంట్రోల్ సెంటర్ ప్రారంభం కానుంది. 18 వ ఫ్లోర్ లో హైదరబాదు సిటీ పోలీస్ కమిషనర్ కార్యాలయం ఉండనుంది. జెండా ఆవిష్కరణ అనంతరం ముఖ్యమత్రి కల్వకుంట్ల చంద్రశేఖర్‌ రావు చేతుల మీదుగా కమాండ్ కంట్రోల్ సెంటర్ ప్రారంభం కానుంది.
టవర్ లు A, B, C, D,E గా ఏర్పాటు చేశారు అధికారులు. టవర్ A లోని 18 ఫ్లోర్ లో సిటీ పోలీస్ కమిషనర్ కార్యాలయం ఏర్పాటు చేయగా.. 14 ,15 ఫ్లోర్ లో మ్యూజియం, గ్యాలరీ ఉండనుంది. టవర్ -B మొత్తం టెక్నాలజీ వింగ్ కు కేటాయింపు చేశారు. సాంకేతిక పరిజ్ఞానం వాడుకునే దిశగా 5 టవర్లు ఏర్పాటు చేశారు అధికారులు. అన్ని విభాగాల అధికారులు ఇక్కడ నుండి సమన్వయం చేసేలా టెక్నాలజీ ఫ్యూజింగ్ సెంటర్ ఏర్పాటు చేశారు. బిల్డింగ్ చుట్టూ 35 శాతం గ్రీనరీ ఉండగా.. 600 వాహానాలు పార్కింగ్ చేసుకునేలా ఏర్పాట్లు చేశారు. ఫ్లోర్ ఫ్లోర్ కు సోలార్ ప్లాంటు ఏర్పాటు చేశారు.
