Fire accident in a train Secunderabad railway station: సికింద్రాబాద్ రైల్వే స్టేషన్ వద్ద ఓ రైలులో అగ్ని ప్రమాదం చోటు చేసుకుంది. సికింద్రాబాద్ రైల్ నిలయం పక్కనున్న రైల్వే బ్రిడ్జి మీద ఆగిన ఓ రైలులో అగ్ని ప్రమాదం సంభవించింది. ఈ తరుణంలోనే… సికింద్రాబాద్ మెట్టుగూడ వద్ద తగలబడుతున్నాయి రెండు బోగీలు. రెండు బోగీల నుంచి భారీగా ఎగిసిపడుతున్నాయి పొగలు. అటు నిలిచి ఉన్న బోగీల నుంచి ఒకసారిగా మంటలు వచ్చాయని స్థానికులు చెబుతున్నారు.
వాషింగ్ కి వెళ్లి ప్లాట్ ఫాం మీదకి వస్తున్న అదనపు ఏసి బోగిలో షాట్ సర్క్యూట్ అయినట్లు చెబుతున్నారు. అయితే.. మంటలు ఎగిసిపడగానే… వెంటనే స్పందించిన రైల్వే సిబ్బంది మంటలు, పొగలను ఆర్పేస్తున్నారు. అయితే.. ఈ ప్రమాదం జరిగినప్పుడు ప్రయాణికులు ఎవరూ లేకపోవడంతో పెను ప్రమాదం తప్పింది. ఇక ఈ సంఘటన పై రైల్వే అధికారులు అలర్ట్‌ అయి… దర్యాప్తు చేస్తున్నారు. సికింద్రాబాద్ రైల్వే స్టేషన్ వద్ద రైలులో అగ్ని ప్రమాదంపై ఇంకా వివరాలు తెలియాల్సి ఉంది.
