రాష్ట్ర ప్రభుత్వం నగర వాసులకు తీపి కబురు చెప్పింది. హైదరాబాద్ ఉత్తర భాగం నగరవాసుల
మెట్రో రైల్ కల నెరవేరబోతోంది. హైదరాబాద్ నార్త్ సిటీ వాసులకు నూతన సంవత్సర కానుకగా ముఖ్యమంత్రి రేవంత్ రెడ్డి.. ప్యారడైజ్- మేడ్చల్ (23 కిలోమీటర్లు), జేబీఎస్-శామీర్ పేట్ (22 కిలోమీటర్లు) మెట్రో కారిడార్ల డీపీఆర్ల తయారీకి గ్రీన్ సిగ్నల్ ఇచ్చారు. వెంటనే డీపీఆర్లను సిద్ధం చేసి మెట్రో రైల్ ఫేజ్- 2 ‘బి’లో భాగంగా కేంద్ర ప్రభుత్వ అనుమతికి పంపించాలని హెచ్ఎంఆర్ఎల్ ఎండీ ఎన్వీఎస్ రెడ్డిని ఆదేశించారు సీఎం రేవంత్ రెడ్డి.
పురపాలక శాఖ ముఖ్య కార్యదర్శి దానకిషోర్, హెచ్ఎంఆర్ఎల్ ఎండీ ఎన్వీఎస్ రెడ్డితో ఈ రెండు
కారిడార్ల డీపీఆర్ తయారీ విషయంపై చర్చించి ఈ మేరకు సీఎం ఈ కీలక నిర్ణయం తీసుకున్నారు. ఇటీవలే ఇటు ఎల్బీనగర్ నుంచి హయత్ నగర్ వరకు.. మరోవైపు ఓల్డ్ సిటీకి మెట్రో విస్తరిస్తున్న విషయం అందరికీ తెలిసిందే. ఇప్పుడూ శామీర్ పేట వరకు మెట్రో రైలు పొడిగించడంతో ప్రయాణికులు సకాలంలోనే తమ గమ్యాన్ని చేరుకుంటారు.
