గ్రూప్ – 1 అభ్యర్థులకు అలర్ట్.. మెయిన్స్ పరీక్షల సమయాల్లో మార్పులు

తెలంగాణలో గ్రూప్-1 పరీక్ష రాసే అభ్యర్థులకు అలర్ట్. మెయిన్స్ పరీక్షా సమయాల్లో మార్పులు చోటుచేసుకున్నట్లు టీజీపీఎస్సీ ప్రకటించింది.  అక్టోబర్‌ 21 నుంచి 27 వరకు జరగాల్సిన ఈ పరీక్ష ఆ రోజే జరగనుండగా.. సమయంలో మాత్రం స్వల్ప మార్పులు చేసినట్లు తెలిపింది. గతంలో నిర్ణయించిన సమయం కన్నా అరగంట ముందుగానే పరీక్ష ప్రారంభం అవుతుందని పేర్కొంది.

తొలుత ప్రకటించిన షెడ్యూల్‌ ప్రకారం నిర్ణీత తేదీల్లో మధ్యాహ్నం 2.30 గంటల నుంచి సాయంత్రం 5.30గంటల వరకు ఈ పరీక్ష నిర్వహించాల్సి ఉండగా ఆ సమయాన్ని మధ్యాహ్నం 2 గంటల నుంచి సాయంత్రం 5 గంటలకు మార్పు చేసినట్లు టీజీపీఎస్సీ వెల్లడించింది. ఈ మార్పును గమనించి అభ్యర్థులు ముందుగానే పరీక్షా కేంద్రాలకు చేరుకోవాలని సూచించింది.