తెలంగాణ సీఎం కేసీఆర్ మెదక్ జిల్లా పర్యటన ఖరారైన విషయం తెలిసిందే. ఆగస్టు 19న మెదక్ జిల్లాలో కలెక్టర్ కార్యాలయం, జిల్లా పోలీసు (ఎస్పీ) కార్యాలయాన్ని ప్రారంభించనున్నారు సీఎం కేసీఆర్. అనంతరం ఏర్పాటు చేసిన బహిరంగ సభలో పాల్గొని ప్రసంగిస్తారు. ఈ సమావేశానికి ముందు జిల్లా బీఆర్ఎస్ పార్టీ కార్యాలయాన్ని ప్రారంభించానున్నారు.
అయితే సీఎం పర్యటన ఏర్పాట్లపై సోమవారం మంత్రి హరీష్ రావు సమీక్ష నిర్వహించారు. ఈ సందర్భంగా హరీష్ రావు మాట్లాడుతూ.. సీఎం కేసీఆర్ ఆధ్వర్యంలో అన్ని జిల్లాలు వేగవంతంగా అభివృద్ధి చెందుతున్నాయన్నారు. సీఎం కేసీఆర్ పర్యటన నేపథ్యంలో మెదక్ జిల్లా నుండి భారీగా జన సమీకరణ చేస్తున్నామన్నారు.
