తెలంగాణ మహిళలకు శుభవార్త..ఇవాళ ఇందిరా మహిళా శక్తి పథకం చెక్కుల పంపిణీ చేయనున్నారు సీఎం రేవంత్ రెడ్డి. నేడు వరంగల్ జిల్లాలో సీఎం రేవంత్ రెడ్డి పర్యటన ఉంది. వరంగల్ ఆర్ట్స్ అండ్ సైన్స్ కాలేజీలో ప్రజా పాలన – ప్రజా విజయోత్సవా సభలో రేవంత్ పాల్గొంటారు. వరంగల్ పర్యటనలో భాగంగా పలు అభివృద్ధి కార్యక్రమాలకు శంకుస్థాపనలు, ప్రారంభోత్సవాలలో పాల్గొంటారు సీఎం రేవంత్ రెడ్డి. అనంతరం మధ్యాహ్నం 2:30 కు హన్మకొండ కుడా గ్రౌండ్స్ హెలిపాడ్‌కు చేరుకుంటారు రేవంత్.
ముందుగా కాళోజీ కళాక్షేత్రం ప్రారంభోత్సవం లో పాల్గొని ఆర్ట్ గ్యాలరీని సందర్శిస్తారు. 3 గంటలకు ఆర్ట్స్ కాలేజ్ లో ఏర్పాటు చేసిన విజయోత్సవ వేదికకు చేరుకుంటారు. 3:20 కి అక్కడ ఏర్పాటు చేసిన స్టాల్స్ సందర్శించి.. మహిళా స్వయం సహాయక సంఘాలు, మండల సమాఖ్య, జిల్లా సమాఖ్య సభ్యులతో ముఖాముఖి మాట్లాడుతారు. తెలంగాణ రాష్ట్రంలోని 22 జిల్లాల్లో ఇందిరా మహిళా శక్తి భవనాల కు అక్కడే శంకుస్థాపన చేస్తారు సీఎం రేవంత్ రెడ్డి. ఇందిరా మహిళా శక్తి పథకంలో భాగంగా బ్యాంక్ లింకేజ్ చెక్కులు, బీమా చెక్కులు కూడా పంపిణీ చేస్తారు రేవంత్ రెడ్డి.
