నవంబర్ 29న 33 జిల్లాలో దీక్ష దివస్ చేయబోతున్నామని బీఆర్‌ఎస్‌ పార్టీ వర్కింగ్‌ ప్రెసిడెంట్‌ KTR ప్రకటించారు. ఇవాళ మీడియాతో కేటీఆర్ మాట్లాడుతూ… నవంబర్ 29 తెలంగాణ ప్రజలు మరిచి పోలేని రోజు అన్నారు. తెలంగాణ సాధనలో కేసీఆర్ చేసిన దీక్ష మైలు రాయి గా ఉందని… అందుకే నవంబర్29 దీక్ష దివస్ చేసుకుంటున్నామన్నారు.
తెలంగాణ రాకముందు ఉన్న పరిస్థితులు మళ్లీ ఏర్పడ్డాయని వెల్లడించారు. ఆ రోజు తెలంగాణ కోసం దీక్ష చేస్తే… ఇప్పుడు కాంగ్రెస్ అరాచకాలపై మరోసారి దీక్షలు చేయాలని అనుకుంటున్నామన్నారు కేటీఆర్. నవంబర్ 29 నాడు 33 జిల్లాలో దీక్ష దివస్ చేయబోతున్నామని ప్రకటన చేశారు. ప్రతి జిల్లాలో సీనియర్ నాయకులు పాల్గొంటారన్నారు.
డిసెంబరు 9 న మేడ్చల్ లో తెలంగాణ తల్లి విగ్రహ ఆవిష్కరణ చేస్తామని తెలిపారు. మా పార్టీ ఎమ్మెల్యేలు, ఎమ్మెల్సీ లు అందరం పాల్గొంటామని వివరించారు బీఆర్‌ఎస్‌ పార్టీ వర్కింగ్‌ ప్రెసిడెంట్‌ KTR. నవంబర్ 29 న నిమ్స్ ఆసుపత్రిలో కూడా కార్యక్రమాలు చేస్తాము…. కేసీఆర్ ఎక్కడా పాల్గొనరు..కానీ ఆయన స్ఫూర్తి తోనే దీక్ష దివస్ చేస్తామన్నారు.
