చర్లపల్లిలో భారీ అగ్ని ప్రమాదం.. రూ.16 కోట్ల ఆస్తి నష్టం !

హైదరాబాద్ మహానగరంలో మరో అగ్ని ప్రమాదం జరిగింది. హైదరాబాద్ చర్లపల్లి లో భారీ అగ్ని ప్రమాదం జరగడంతో దాదాపు 16 కోట్ల ఆస్తి నష్టం వాటిల్లింది. నిన్న అర్ధరాత్రి చర్లపల్లి లో ఉన్న సర్వోదయ ఫ్యాక్టరీలో ఒక్కసారిగా కెమికల్ డ్రమ్ములు పేలిపోయాయి. ఈ సంఘటన… జరగగానే అక్కడ ఉన్న స్థానికులు అందరూ ఉలిక్కిపడ్డారు.

అయితే ఈ ప్రమాదం జరిగినప్పుడు కార్మికులు ఎవరూ లేకపోవడంతో… ప్రాణం నష్టం తప్పింది. కానీ ఈ అగ్ని ప్రమాదంలో 16 కోట్ల ఆస్తి నష్టం వాటిల్లింది. పక్కనే ఉన్న మహాలక్ష్మి ప్లాస్టిక్ అలాగే హరిత ఎంటర్ప్రైజెస్, హైటెక్ ఇండస్ట్రీస్ కు కూడా మంటలు వ్యాపించాయి. అయితే ఈ మంటలను అదుపు చేసేందుకు రంగంలోకి ఫైర్ సిబ్బంది దిగి… ఆస్తి నష్టం మరింత జరగకుండా చూసింది. ఇక ఈ సంఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.