తెలంగాణ ప్రభుత్వం ఇంజినీరింగ్ కళాశాలల ఫీజులను ఖరారు చేసింది. ఫీజులు ఖరారు చేస్తూ తాజాగా జీవో కూడా జారీ చేసింది. ఏఎఫ్‌ఆర్సీ సిఫార్సుల మేరకు రాష్ట్రంలోని 159 కాలేజీల్లో ఫీజులను ప్రభుత్వం నిర్ణయించింది. ఈ జీవో ప్రకారం కాలేజీల్లో కనీస రుసుం ₹45వేలకు పెంచుతున్నట్లు పేర్కొంది.
రాష్ట్ర వ్యాప్తంగా 40 కాలేజీల్లో ఫీజు రూ.లక్ష దాటింది. ఎంజీఐటీ ₹1.60లక్షలు, సీవీఆర్‌ ₹1.50లక్షలు, సీబీఐటీ, వర్ధమాన్‌, వాసవీ కాలేజీల్లో ₹1.40లక్షలుగా నిర్ణయించారు. ఫీజుల పెంపు మూడేళ్ల పాటు అమల్లో ఉంటుందని ప్రభుత్వం తెలిపింది. అయితే, ఫీజు రీయింబర్స్‌మెంట్‌ పెంపుపై ప్రభుత్వం ఇంకా స్పష్టత ఇవ్వలేదు. మరోవైపు ఎల్లుండి నుంచి ఇంజినీరింగ్ తుదివిడత కౌన్సెలింగ్‌ జరగనుంది.
