తెలంగాణ ఆర్టీసీ లో ఖాళీల భర్తీకి గ్రీన్‌ సిగ్నల్‌ ఇచ్చింది యాజమాన్యం. ఆర్టీసీలోని ఇంజినీరింగ్‌, నాన్‌ ఇంజినీరింగ్‌ విభాగాల్లో అప్రెంటీస్‌ పోస్టుల కోసం.. దరఖాస్తులు ఆహ్వానిస్తున్నట్లు సోమవారం రోజున ఆర్టీసీ సంస్థ ఓ ప్రకటన లో వెల్లడించింది.
బీటెక్‌, బీఈ గ్రాడ్జ్‌యేట్స్‌ ఇంజినీరింగ్‌ విభాగానికి, బీఏ,బీకాం, బీబీఏ, బీసీఏ పట్ట భద్రులు నాన్‌ ఇంజినీరింగ్‌ విభాగానికి ఈ నెల 16వ తేదీలోపు.. ఆన్‌ లైన్‌ లో దరఖాస్తులు చేసుకోవాలని సూచించింది.
ఈ దరఖాస్తుల సమర్పణకు ముందు www.mhrdnats.gov.in తమ వివరాలను నమోదు చేసుకోవాల్సి ఉంటుంది. ఆ తర్వాతనే అదే వెబ్‌ సైట్‌ లో తెలంగాణ ఆర్టీసీని ఎంపిక చేసుకుని STLHDS000005 యూజర్‌ ఐటీ ద్వారా పోస్టులకు దరఖాస్తు చేసుకోవాలి. ఇక దీని పూర్తి వివరాలను రెండు రోజుల్లో www.tsrtc.telangana.gov.in వెబ్‌ సైట్‌ లో పెడతామని స్పష్టం చేసింది ఆర్టీసీ.
