బిగ్ అలర్ట్…రేపు వైన్ షాపులు, మాంసం దుకాణాలు బంద్ కానున్నాయి. జనవరి 26వ తేదీన గణతంత్ర దినోత్సవం సందర్భంగా ప్రతి ఒక్కరూ భక్తి, శ్రద్ధలతో గణతంత్ర దినోత్సవాన్ని జరుపుకుంటారు. గణతంత్ర దినోత్సవం రోజున తెలుగు రాష్ట్రాలలో వైన్ షాపులు, మాంసం దుకాణాలు మూసి వేస్తారన్న సంగతి తెలిసిందే.
కాగా, రేపు గణతంత్ర దినోత్సవం సందర్భంగా ఈరోజు రాత్రి నుంచి ఎలాంటి జంతువులను వధించరాదని అధికారులు చెబుతున్నారు. అన్ని రకాల మటన్, చికెన్, చేపల మార్కెట్లను రేపు మూసివేయాలని విజయవాడ మున్సిపల్ కార్పొరేషన్ సూచనలు జారీ చేసింది. రూల్స్ ను అతిక్రమించి ఎలాంటి జంతువులను వధించిన కఠిన చర్యలు తీసుకుంటామని విజయవాడ మున్సిపల్ కార్పొరేషన్ హెచ్చరికలు జారీ చేసింది. కాగా, చాలా పట్టణాలలో ఇదే తరహా ఆదేశాలు జారీ అవుతున్నాయి.
