హైదరాబాద్ లో కరోనా వైరస్ విజృంభిస్తుంది. కఠిన లాక్ డౌన్ కొనసాగించినంత కాలం అదుపులో ఉన్న వైరస్ సడలింపులు అనంతరం ఒక్కసారిగా తీవ్ర రూపం దాల్చింది. అయితే కరోనా వైరస్ కార‌ణంగా గ‌త రెండున్నర నెల‌లుగా సినీ ఇండ‌స్ట్రీలో, టీవీ రంగంలో ఎలాంటి షూటింగ్‌లు జ‌ర‌గ‌లేదు. అయితే లాక్ డౌన్ సడలింపుల నేపధ్యంలో ఈ మధ్యనే షూటింగ్ లు ప్రారంభమయ్యాయి. దీంతో తెలుగు సినిమా పరిశ్రమలో కరోనా కలకలం మొదలైంది.
‘సూర్యకాంతం’, ‘మట్టి గాజులు’సీరియల్ నటుడు ప్రభాకర్ కు కరోనా పాజిటివ్ గా నిర్దారణ అయింది. ప్రభాకర్ ను ఆసుపత్రికి తరలించి, ఆయన కుటుంబ సభ్యులను క్వారంటైన్ చేశారు అధికారులు. కాగా సదరు సీరియల్స్ షూటింగ్స్ నిలిపివేసి సహా నటులను, యూనిట్ సిబ్బందిని కూడా క్వారంటైన్లో ఉంచినట్టు సమాచారం.
