తెలంగాణ విద్యార్థులకు శుభవార్త.. ఉపాధ్యాయ అర్హత పరీక్ష(TET)ను నిర్వహించేందుకు ప్రభుత్వానికి పాఠశాల విద్యాశాఖ ప్రతిపాదనలు పంపినట్లు తెలుస్తోంది. ఏటా ఒకసారి తప్పకుండా టెట్ నిర్వహించాల్సి ఉంది. గత ఏడాది జూన్ 12న టెట్ నిర్వహించారు.
ఈ ఏడాది కాలంలో డిఈడి, బిఈడి ఉత్తీర్ణులైన వారు 20,000 మంది వరకు ఉంటారని అంచనా. వీరు TETకి అర్హులు కావాలంటే తప్పకుండా టెట్ రాయాల్సి ఉంది. టెట్ లో మార్కులకు ర్యాంకింగ్స్ లో 20% వెయిటేజీ ఇస్తారు. కాగా, ఈ విద్యాసంవత్సరం నుంచి ప్రభుత్వ స్కూళ్లలో చదివే 16.82 లక్షల మంది విద్యార్థులకు ప్రభుత్వం రాగి జావ అందించనుంది. మధ్యాహ్న భోజనానికి అదనంగా ఏడాదిలో 110 రోజుల పాటు ఈ కార్యక్రమాన్ని కొనసాగించనుంది. ఈ మేరకు ప్రధానమంత్రి పోషణ్ పథకం అమలుకు రాష్ట్రం ఇటీవల ఆమోదం తెలిపింది. ఇందుకోసం రూ. 27.16 కోట్లు వ్యయం అవుతుందని అధికారులు అంచనా వేశారు. కేంద్రం రూ. 16.18 కోట్లు, రాష్ట్రం రూ.11.58 కోట్లు భరించనున్నాయి.
