పెద్దగా పంచ్ డైలాగులు లేకుండానే.. కేవలం హావభావాలతోనే పొట్టచెక్కలయ్యేలా నవ్వించగలడు. ఓ తాగబోతు పాత్ర నుంచి ఇంత హాస్యం పండిచొచ్చా అనేలా తన నటనతో ఆకట్టుకున్నాడు. అతడే తాగబోతు రమేశ్. అటు సినిమాలు చేస్తూనే ఇటు జబర్దస్త్లో స్కిట్లు చేస్తూ ప్రేక్షకులకు డబుల్ ఫన్ని అందిస్తున్నాడు. అయితే ఈ మధ్య అవకాశాలు తగ్గిపోయాయని వార్తలు వచ్చాయి. అడపదడపా మాత్రమే సినిమాల్లో కనిపిస్తున్నారు తాగుబోతు రమేశ్.
అయితే తాగుబోతు రమేశ్ తాజాగా బంపర్ ఆఫర్ కొట్టేశాడు. ఏకంగా బాలీవుడ్లో ఎంట్రీ ఇవ్వనున్నారు. అదికూడా బాలీవుడ్ కండల వీరుడు సల్మాన్ ఖాన్ సినిమాతో బాలీవుడ్ లో అడుగు పెట్టనుండటం విశేషం. టాలీవుడ్ కమెడియన్ తాగుబోతు రమేష్ గురించి తెలుగు ప్రేక్షకులకు ప్రత్యేక పరిచయం అక్కర్లేదు. ఎన్నో సినిమాలలో తాగుబోతు క్యారెక్టర్స్తో ప్రేక్షకులను మెప్పించి.. చివరికి క్యారెక్టర్స్లోని తాగుబోతునే ఇంటిపేరుగా మార్చుకున్నాడు. అయితే.. ఇప్పటివరకూ తెలుగు సినిమాలలోనే అలరించిన రమేశ్.. త్వరలోనే సల్మాన్ ఖాన్ సినిమాతో హిందీ సినిమాలో కామెడీ పండించనున్నట్లు సమాచారం.
ఈ క్రమంలో ఏకంగా బాలీవుడ్లో.. అదీ సల్మాన్ ఖాన్ సినిమాలో అవకాశం అందుకున్నాడని తెలిసి ఫ్యాన్స్ ఆనందం వ్యక్తం చేస్తున్నారు. రమేశ్ ఈ విషయాన్ని సల్మాన్తో కలిసి దిగిన ఫొటోను సోషల్ మీడియాలో పోస్ట్ ద్వారా విషయాన్నీ ప్రకటించాడు. అయితే.. ఫొటోలో గమనిస్తే తాగుబోతు రమేశ్.. సల్మాన్తో సెట్లో ఉన్నట్లే తెలుస్తోందని కామెంట్స్ వినిపిస్తున్నాయి.
