తిరుమల భక్తులకు అలర్ట్..నేటి నుంచి ఏప్రిల్ దర్శన టికెట్లు విడుదల కానున్నాయి. నేటి నుంచి 27వ తేదీ వరకు ఆన్ లైన్ లో ఏప్రిల్ నెలకు సంబంధించిన దర్శన టికెట్లు విడుదల చేయనుంది టీటీడీ. ఇవాళ ఉదయం 10 గంటల నుంచి 20వ తేదీ ఉదయం 10 గంటల వరకు లక్కిడిప్ విధానంలో కేటాయించే ఆర్జిత సేవలకు రిజిస్ట్రేషన్ చేయించుకోవాల్సి ఉంటుంది. ఈ నెల 21వ తేదీ ఉదయం 10 గంటలకు ఆర్జిత సేవా టిక్కెట్లు విడుదల అవుతాయి.
21వ తేది మధ్యాహ్నం 3 గంటలకు వర్చువల్ సేవా టిక్కెట్లు విడుదల కానున్నాయి. 23వ తేది ఉదయం 10 గంటలకు అంగప్రదక్షణం టిక్కెట్లు విడుదల కానున్నాయి. ఉదయం 11 గంటలకు శ్రీవాణి దర్శన టికెట్లు విడుదల అవుతాయి. మధ్యాహ్నం 3 గంటలకు వయోవృద్ధుల,వికలాంగుల దర్శన టికెట్లు విడుదల కానున్నాయి. 24వ తేదీ ఉదయం 10 గంటలకు 300 రూపాయల ప్రత్యేక ప్రవేశ దర్శనం టికెట్లు విడుదల అవుతాయి. మధ్యాహ్నం 3 గంటలకు వసతి గదులు కోటా విడుదల చేస్తారు. 27వ తేదీ ఉదయం 10 గంటలకు శ్రీవారి సేవా కోటా విడుదల చేయనుంది టీటీడీ.
