ఈ రోజు మధ్యాహ్నం లక్నో లోని అటల్ బిహారీ వాజ్ పేయీ స్టేడియం లో ఆస్ట్రేలియా మతియు సౌత్ ఆఫ్రికా జట్ల మధ్యన మ్యాచ్ జరగనుంది. ఈ రెండు జట్లు పేపర్ మీద చూస్తే చాలా బలంగా కనిపిస్తున్నాయి. కానీ పరిస్థితులను బట్టి చాలా భిన్నమైన ప్రదర్శనను కనబరుస్తూ అభిమానులకు షాక్ ఇస్తూ ఉంటాయి. దీనికి ప్రత్యక్ష ఉదాహరణ గత ఆదివారం ఇండియా ఆస్ట్రేలియా మ్యాచ్.. అందులో ఆసీస్ కేవలం 199 పరుగులకు పరిమితం అయింది. ఇక ఈ రోజు మాత్రం ఈ రెండు జట్ల మధ్యన హోరా హోరీ పోరు తప్పదని క్రికెట్ ప్రేమికులు అంచనాలు వేస్తున్నారు. ముఖ్యంగా సౌత్ ఆఫ్రికా రెడ్ హాట్ ఫామ్ లో ఉంది… గత మ్యాచ్ లో సౌత్ ఆఫ్రికా శ్రీలంక మీద వరల్డ్ కప్ లో హైయెస్ట్ స్కోర్ చేసి రికార్డు విజయాన్ని అందుకుంది. ఇందులో ముగ్గురు సెంచరీ లు చేసి మిగిలిన జట్లకు డేంజర్ బెల్స్ ఇచ్చారు. డి కాక్, డస్సెన్, మార్ క్రామ్, క్లాసేన్, మిల్లర్ లు అతి భయానకమైన ఆటగాళ్లు.. వీళ్ళు చెలరేగి ఆడితే ఏ జట్టుకైనా ఓటమి తప్పదు.
అదే విధంగా ఆస్ట్రేలియా లోనూ వార్నర్, మిచెల్ మార్ష్, మాక్స్ వెల్ , గ్రీన్ , స్మిత్ ల రూపంలో అగ్రశ్రేణి ఆటగాళ్లు ఉన్నారు. మరికాసేపట్లో మొదలు కానున్న ఈ మ్యాచ్ లో బిగ్ ఫైట్ తప్పదు.
