ప్రస్తుతం సుకుమార్ దర్శకత్వంలో పుష్ప 2 మూవీలో అల్లు అర్జున్ నటిస్తున్నారు. తాజాగా ఆయన చేయబోయే సినిమా గురించి ఆసక్తికరమైన అప్డేట్ వచ్చింది. దీంతో అల్లు అర్జున్ అభిమానులు సంబరపడిపోతున్నారు. తమిళ దర్శకుడు అట్లీ దర్శకత్వంలో ఐకాన్ స్టార్ అల్లు అర్జున్ నటించబోతున్నారని వార్తలు వినిపిస్తున్నాయి. వచ్చే ఏడాది ఈ సినిమాకి సంబంధించిన షూటింగ్ ప్రారంభించాలని భావిస్తున్నారట. కమర్షియల్ ఎంటర్ టైనర్ గా రాబోతున్న ఈ చిత్రంలో బన్నీ న్యూ లుక్ లో కనిపించనున్నరని సమాచారం. త్వరలోనే ఈ ప్రాజెక్టుకి సంబంధించిన వివరాలను అధికారికంగా వెల్లడించనున్నట్లు సమాచారం.
ఇటీవల జవాన్ చిత్రం సక్సెస్ సాధించడంతో అల్లు అర్జున్ మూవీ టీంని అభినందిస్తూ ట్వీట్ చేశారు. ఆ పోస్టుకు డైరెక్టర్ అట్లిని ,మ్యూజిక్ డైరెక్టర్ అనిరుద్ ని ట్యాగ్ చేసి నా సినిమాకి కూడా ఇలానే మ్యూజిక్ అందించాలని పేర్కొన్నారు. దీంతో అట్లీ, బన్నీ కాంబోలో సినిమా రాబోతుందని పోస్టులు దర్శనమిచ్చాయి. ప్రస్తుతం అల్లు అర్జున్ నటిస్తున్న చిత్రం పుష్ప 2 వచ్చే ఏడాది ఆగస్టు 15న ప్రేక్షకుల ముందుకు రానుంది.
