త‌మిళ స్టార్ హీరో శివ కార్తికేయ‌న్ తెలుగు సినిమా ఇండ‌స్ట్రీలోకి అడుగు పెడుతున్న విషయం తెలిసిందే. జాతి రత్నాలు సినిమాతో ఫుల్ క్రేజ్ ను సొంతం చేసుకున్న డైరెక్ట‌ర్ కేవీ అనుదీప్ ద‌ర్శ‌క‌త్వంలో శివ కార్తికేయ‌న్ ఒక సినిమా చేస్తున్నాడు. ఈ సినిమాను నారాయ‌ణ దాస్ నారంగ్, పుస్కుర్ రామ్ మోహ‌న్ రావు, సురేశ్ బాబు సంయుక్తంగా నిర్మిస్తున్నారు. కాగ ఈ సినిమా తెలుగు తో పాటు త‌మిళంలో కూడా ఒకే సారి నిర్మిస్తున్నారు. ఇప్ప‌టికే ఈ సినిమాకు సంబంధించిన షూటింగ్ కూడా జ‌రుపుకుంటుంది.
కాగ ఈ సినిమాను డైరెక్ట‌ర్ కేవీ అనుదీప్.. రొమాంటిక్ ఎంట‌ర్ టైన‌ర్ గా తెర‌కెక్కిస్తున్న ఈ సినిమా కూడా జాతి రత్నాలు సినిమా లాగే.. వినోద‌భ‌రితంగా ఉంటుంద‌ని తెలుస్తుంది. కాగ ఈ సినిమా నుంచి అదిరిపోయే అప్ డేట్ వ‌చ్చింది. ఈ సినిమాలో హీరోయిన్ గా విదేశీ భామను తీసుకున్నారు. ప్ర‌స్తుతం యుద్ధంతో వ‌ణికిపోతున్న ఉక్రెయిన్ దేశానికి చెందిన నటి మ‌రియా ర్యాబోషప్క ను ఈ సినిమాలో హీరోయిన్ గా చిత్ర బృందం ఎంపిక చేసింది.
కాగ ఈ ఉక్రెయిన్ నటి మ‌రియా ర్యాబోషప్క.. ఇప్పట‌కే ఒక హింది వెబ్ సీరిస్ లో న‌టించింది. హాట్ స్టార్ నిర్మించిన స్పెషల్ ఆప్స్ 1.5 అనే వెబ్ సీరిస్ లో ఉక్రెయిన్ నటి మ‌రియా ర్యాబోషప్క కీల‌క పాత్ర‌లో న‌టించింది.
