ఎన్టీఆర్ - రామ్‌చరణ్‌ ప్రధాన పాత్రధారులుగా రాజమౌళి రూపొందించిన బిగ్గెస్ట్‌ యాక్షన్‌ ఎంటర్‌టైనర్‌ ఆర్‌ఆర్‌ఆర్‌. భారీ బడ్జెట్‌తో రూపుదిద్దుకున్న ఈ సినిమాలోని చాలా సన్నివేశాలు ‘వావ్‌’ అనిపించేలా గ్రాండ్ లెవల్‌లో ఉంటాయి. హీరోలిద్దరి పరిచయ సన్నివేశాలు.. అందులోనూ తారక్‌ ఎంట్రీ సీన్‌ అయితే చెప్పడానికి మాటలు సరిపోవు. ఇక ఈ సినిమాలో రామరాజుగా చరణ్.. కొమురం భీంగా ఎన్టీఆర్లు కనిపించారు.
అయితే ఇప్పుడు మేకర్స్ భీమ్ ఎంట్రీ షాట్ అన్ ట్రిమ్డ్ వెర్షన్ను రిలీజ్ చేశారు. దీనికి జస్ట్ రెండు, మూడు సెకండ్స్ మాత్రమే కలిపి ఉండగా.. ఇది సూపర్బగా ఉందని నెటిజన్స్ అభిప్రాయపడుతున్నారు. భీమ్ను నీటి ప్రతిబింబం నుంచి చూపించే షాట్తో సినిమాలో చూపించారు. కానీ దాని కన్నా ముందు నీటిపై గ్రాఫికల్గా ఓ తూనీగ వచ్చి.. ఆ తర్వాత అసలు షాట్ కనిపిస్తుంది. దీనితో ఈ కొత్త వీడియోని మేకర్స్ రిలీజ్ చేయ్యగా.. ఇది వైరల్గా మారింది.
ఇక, ఆర్‌ఆర్‌ఆర్‌ విషయానికి వస్తే సుమారు రూ.300 కోట్ల భారీ బడ్జెట్‌తో తెరకెక్కిన ఈ సినిమా బాక్సాఫీస్‌ వద్ద కలెక్షన్ల వర్షం కురిపించింది. ప్రపంచవ్యాప్తంగా రూ.1000 కోట్లకు పైగా వసూళ్లు రాబట్టింది. రామ్‌చరణ్‌ అల్లూరి సీతా రామరాజుగా, తారక్‌ కొమురం భీమ్‌గా మెప్పించారు. ప్రస్తుతం ఈ సినిమా డిస్నీ ప్లస్‌ హాట్‌స్టార్‌, జీ 5, నెట్‌ఫ్లిక్స్‌ వేదికలుగా అందుబాటులో ఉంది.
