విలియం షేక్స్పియర్ రచనలను కలిపిన అరుదైన 1623 పుస్తకం మొదటిసారిగా ఏప్రిల్‌లో వేలానికి వెళ్తుందని క్రిస్టీ వేలం గృహం శుక్రవారం ప్రకటించింది. కామెడీస్, హిస్టరీస్ అండ్ ట్రాజెడీస్ అని పిలువబడే ఈ పుస్తకం 4 మిలియన్ డాలర్లు (రూ. 28.3 కోట్లు) మరియు 6 మిలియన్ డాలర్లు (రూ .42.5 కోట్లు) మధ్య విక్రయిస్తామని తెలిపింది. ఫస్ట్ ఫోలియోగా పిలువబడే ఈ పుస్తకం ఆరు పూర్తి కాపీలలో ఒకటి.
మొదటి ఫోలియోలో షేక్స్పియర్ యొక్క 36 నాటకాలు ఉన్నాయి, వీటిలో చాలావరకు ప్రచురించబడలేదు. అవి మక్బెత్, ది టెంపెస్ట్ మరియు యాస్ యు లైక్ ఇట్. వాటిని రచయిత మరణం తరువాత అతని స్నేహితులు పూర్తి చేశారు. న్యూయార్క్, హాంకాంగ్ మరియు బీజింగ్ వెళ్లేముందు వచ్చే వారం లండన్‌లో ప్రారంభమయ్యే టూర్‌లో అమ్మకానికి వచ్చే కాపీ ప్రదర్శించనున్నారు.
ఇది ఏప్రిల్ 24 న వేలం కోసం న్యూయార్క్ తిరిగి ఇవ్వనున్నారు నిర్వాహకులు. ఈ పుస్తకాన్ని కాలిఫోర్నియాలోని ఓక్లాండ్‌లోని ప్రైవేట్ లిబరల్ ఆర్ట్స్ కళాశాల మిల్స్ కళాశాల విక్రయిస్తోంది. ఫస్ట్ ఫోలియో యొక్క రికార్డు వేలం ధర దాదాపు 6.2 మిలియన్ డాలర్లు, ఇది 2001 లో చెల్లించబడిందని వేలం నిర్వాహకులు పేర్కొన్నారు. దీని కోసం ప్రపంచ ప్రఖ్యాత రచయితలు పోటీ పడే అవకాశం ఉందని అంటున్నారు.
