కింగ్ కోహ్లీ.. సచిన్‌ను మించిపోయాడు..!

విరాట్ కోహ్లీ.. అదరగొట్టాడు. భారత క్రికెట్ సత్తాను ప్రపంచానికి చాటాడు. వరల్డ్ రికార్డు సాధించి ఔరా అనిపించాడు. వన్డేల్లో అత్యంత వేగంగా పది వేల పరుగులు పూర్తి చేసిన ఆటగాడిగా రికార్డు సృష్టించాడు. కేవలం 205వ ఇన్నింగ్స్‌లో ఈ ఫీట్ సాధించాడు కోహ్లీ. దీంతో సచిన్ పేరిట ఉన్న పదివేల పరుగుల రికార్డును కోహ్లీ తిరగరాశాడు. 259వ ఇన్నింగ్స్‌లో సచిన్ ఆ రికార్డును అందుకున్నాడు. కాగా.. కోహ్లీ 54 ఇన్నింగ్స్‌ల ముందే మైల్‌స్టోన్ రీచయ్యాడు. వెస్టిండీస్‌పై జరుగుతున్న రెండో వన్డేలో 81 పరుగుల మార్క్ వద్ద కోహ్లీ ఈ ఫీట్ సాధించాడు.

కోహ్లీ, సచిన్ తర్వాత పదివేల పరుగుల మైలురాయిని సౌరవ్ గంగూలీ అందుకున్నాడు. ఆయన మూడో స్థానంలో ఉన్నాడు. ఇక.. కోహ్లీ ఈ మ్యాచ్‌లో ఇదొక్క రికార్డే కాదు.. మరో రికార్డును కూడా సాధించాడు. 48 పరుగుల వ్యక్తిగత స్కోరు వద్ద వెస్టిండీస్‌పై అత్యధిక రన్స్ చేసి భారత ఆటగాడిగా చరిత్ర సృష్టించాడు. ఈ రికార్డులో కూడా సచిన్‌ను దాటేశాడు కోహ్లీ. 1573 పరుగులతో ఉన్న సచిన్ రికార్డును కోహ్లీ బద్దలు కొట్టాడు.