త్వరలోనే కాళేశ్వరం వాస్తవాలు బయటపెడతామని, దాని కథేంటో అందరికీ తెలుస్తుందని మంత్రి కోమటిరెడ్డి వెంకట్‌రెడ్డి అన్నారు.శనివారం భారత్ సమ్మిట్‌లో పాల్గొన్న ఆయన మీడియాతో మాట్లాడుతూ..కేంద్రం నుంచి వచ్చిన NDSA రిపోర్టులో సంచలన విషయాలున్నాయన్నారు.కాళేశ్వరం ప్రాజెక్ట్ ఓ నాసిరకమైన ప్రాజెక్ట్ అని.. తెలివి ఉన్న వాడు ఎవడూ ఆ ప్రాజెక్ట్‌ను నిర్మించి ఉండేవారు కాదన్నారు.
NDSA రిపోర్టులోని అంశాలను తాము ఇంకా బయట పెట్టలేదని.. బీఆర్ఎస్ వాళ్లే బయటకు పెట్టుకుంటున్నారని విమర్శించారు.ఒక వేళ తమ్మిడిహట్టి ప్రాజెక్ట్‌ను పూర్తి చేస్తే ఎక్కడ కాంగ్రెస్‌ పార్టీకి పేరు వస్తుందోనని..పదేళ్ల పాటు ఆ ప్రాజెక్ట్‌ను పట్టించుకోకుండా పడావు పెట్టారన్నారు.మేడిగడ్డ బ్యారేజీ కుంగిపోవడం చిన్న విషయం అన్నట్లుగా బీఆర్ఎస్ నేతలు మాట్లాడటం సిగ్గుచేటని మండిపడ్డారు. మేడిగడ్డ, సుందిళ్ల ప్రాజెక్ట్‌లు ఎందుకూ పనికి రావని NDSA నివేదిక ఇచ్చిందని మంత్రి కోమటిరెడ్డి ఫైర్ అయ్యారు.
