ఒక ఫేమస్ యూట్యూబర్ మిస్టర్ బీస్ట్ శవపేటికలో దాదాపు 50 గంటలు గడిపాడు. అతను సుమారు 10 అడుగుల లోతులో దాదాపు రెండు రోజులకు పైగా గడిపాడు. అయినప్పటికీ, అతను సజీవంగా బయటకు వచ్చాడు. ఇది మాత్రమే కాదు, అతను తన కెమెరాల సహాయంతో లోపల తతంగం అంతా బంధించాడు. ఆయనకు యూట్యూబ్‌లో 50 మిలియన్లకు పైగా ఫాలోవర్లు ఉన్నారు. అతని 12 నిమిషాల ఈ వీడియో సోషల్ మీడియాలో పెద్ద ఎత్తున వైరల్ అవుతోంది.
ఆ వైరల్ వీడియోలో, మిస్టర్ బీస్ట్ శవపేటిక లోపల పడుకుని ఉన్నట్లు చూడవచ్చు. అక్కడి నుండి వాకీ టాకీలతో బయటి నున్న స్నేహితులతో మాట్లాడటం వీడియోలో చూడవచ్చు. మిస్టర్ బీస్ట్ ఒక దుప్పటి, కొంత ఆహారం మరియు శవపేటిక లోపల ఒక దిండు పెట్టుకున్నాడు. ఈ ఆదివారం యూట్యూబ్‌లో ఈ వీడియోను పంచుకుంటూ, “ఇది ఎప్పటికైనా క్రేజీ విషయం” అని రాసుకొచ్చాడు. 
