నెంబర్ ప్లేట్స్ లో చాలా రంగులు ఉన్నాయి. అయితే అసలు ఈ రంగుల వెనుక అర్థం ఏంటో ఇప్పుడే తెలుసుకోండి. సహజముగా వైట్ నెంబర్ ప్లేట్ ని తరచూ మనం చూస్తాం. దానిపై బ్లాక్ లెటర్స్ మాత్రమే ఉంటాయి. అయితే ఇది ఒక్కటే కాదు వీటిలో రకాలు ఉన్నాయి. మరి వాటిపై కూడా ఒక లుక్ వేసేయండి. రెగ్యూలర్ గా మనం చూసే వాహనాలకు వైట్ ప్లేట్లు బ్లాక్ లెటర్స్ మాత్రమే ఉంటాయి. ఇలా ఉండేవి అన్ని ప్రైవేట్ లేదా నాన్ కమర్షియల్ కార్లకు మాత్రమే.
పసుపు ప్లేట్ పై నలుపు అక్షరాలు ఉంటే అది కమర్షియల్ వాహనాలకే. వీటిని వస్తువుల రవాణాకు, ప్యాసింజర్ల కోసం వాడుతుంటారు. మనం చూసే ఓలా, యూబర్ క్యాబ్స్ లాంటి క్యాటగిరీకి ఇవి వస్తాయి. ఇక బ్లూ ప్లేట్ మీద వైట్ లెటర్స్ చూస్తే కనుక విదేశీ డిప్లొమేట్స్ వాడే వాహనాలకు బ్లూ నెంబర్ ప్లేట్ ఉంటుంది. రాష్ట్రానికి సంబంధించిన కోడ్ ఉండదు… దేశాన్ని రిప్రజెంట్ చేసే కోడ్ ఉంటుంది. అలానే లీగల్ గా తిరిగే ఎలక్ట్రిక్ బస్సులు, ఎలక్ట్రిక్ కమర్షియల్ వెహికల్స్ కు ఇవి గ్రీన్ ప్లేట్ మీద వైట్ లెటర్స్ ఉన్న బోర్డ్స్ ని అమరుస్తారు.
న్యూఢిల్లీ లో ఉండే రిజిష్టర్డ్ మిలటరీ వెహికల్ కు పైకి వెళ్లే బాణం గుర్తు తో కనిపించే నెంబర్ ప్లేట్ ని ఉపయోగిస్తారు. ఆ కోడ్ లో ఒక్కో డిజిట్ కు ప్రత్యేక స్థానం ఉంటుంది. రెడ్ ప్లేట్ మీద తెల్లని అక్షరాల తో ఉన్న ప్లేట్ ను టెంపరరీ రిజిష్ట్రేషన్ కింద వాడతారు. ఈ టెంపరరీ రిజిస్ట్రేషన్ ఒక నెల మాత్రమే వ్యాలిడ్ గా ఉంటుంది.
