వివిధ రకాల సమస్యల పరిష్కారాలు, చట్టాలతో బీజీగా ఉండే న్యాయమూర్తులు పాటలు పాడటం ఏంటీ అనుకుంటున్నారా? అవునండీ ఇది నిజం.. కేరళ వరదబాధితుల సహాయార్థం జరగనున్న ఓ ప్రత్యేక కార్యక్రమంలో ఇటీవలే నియమితులైన జస్టిస్ కేఎం జోసెఫ్ పాటలు పాడనున్నారు. సుప్రీం కోర్టు వార్తలను సేకరించే జర్నలిస్టులు ఇండియన్ సొసైటీ ఫర్ ఇంటర్నేషనల్ లా ఆడిటోరియంలో సోమవారం నిర్వహించనున్న ఈ కార్యక్రమానికి ప్రధాన న్యాయమూర్తి దీపక్ మిశ్రా ముఖ్య అతిథిగా హాజరు కానున్నారు. జస్టిస్ జోసెఫ్ మొత్తం రెండు.. మలయాళ, హిందీ పాటలను ఆలపించనున్నారు.సర్వోన్నత న్యాయమూర్తి స్థానంలో ఉన్న వారు బహిరంగ కార్యక్రమంలో పాటలు పాడటం ఇదే మొదటిసారి కావడం విశేషం.
