తెలుగు అకాడమీ కేసు తరహాలో మరో భారీ మోసం తెలంగాణ రాష్ట్రంలో వెలుగు లోకి వచ్చింది. తెలంగాణ గిడ్డంగుల శాఖలో భారీగా ఫిక్స్‌డ్ డిపాజిట్ నిధులు మాయం అయ్యాయి. తెలంగాణ రాష్ట్ర గిడ్డంగుల శాఖ కు చెందిన రూ. 4 కోట్ల రూపాయల నిధులు గల్లంతు అయ్యాయని సమాచారం అందుతోంది. కార్వాన్ ఎస్ బి ఐ లో గిడ్డంగుల శాఖ కు చెందిన ఫిక్స్‌డ్ డిపాజిట్ నిధులు మాయం అయినట్లు సమాచారం అందుతోంది.
తప్పుడు ఎఫ్‌ డీ పత్రాలు చూపి union babk కార్వాన్ శాఖ నుండి ఈ ఎఫ్‌ డీలు కొల్లగొట్టారు ఆగంతకులు. తెలుగు అకాడెమీ తరహాలోనే నిధులు కాజేసిన కేటుగాళ్లు… అదే ముఠా ఈ పని చేసిందని అనుమానిస్తున్నారు పోలీసులు. అంతేకాదు.. బ్యాంకు అధికారుల పాత్రపైనా అనుమానం వ్యక్తం చేస్తున్నారు పోలీసులు. సిసిఎస్ లో గిడ్డంగుల శాఖా అధికారుల ఫిర్యాదు మేరకు పోలీసులు..ఈ దర్యాప్తును వేగ వంతం చేశారు. త్వరలోనే నిందితులను పట్టుకుంటామని చెబుతున్నారు పోలీసులు.
