తెలంగాణ అసెంబ్లీ నియోజకవర్గాల బీఆర్ఎస్ అభ్యర్థులను ఇవాళ ప్రగతి భవన్ లో ప్రెస్ మీట్ పెట్టి ప్రకటించారు కేసీఆర్. రెండు చోట్ల నుంచి సీఎం కేసీఆర్ పోటీ చేయనున్నారు. ఈ సారి కామారెడ్డి, గజ్వేల్‌ నుంచి పోటీ చేస్తున్నారు కేసీఆర్. ఏడు అసెంబ్లీ స్థానాలకు అభ్యర్థులను మార్చిన బీఆర్ఎస్ అధినేత కేసీఆర్.. స్టేషన్‌ఘన్‌పూర్‌, ఉప్పల్‌, వేములవాడ, ఖానాపూర్‌, బోథ్‌, కామారెడ్డి అసెంబ్లీ స్థానాలకు అభ్యర్థుల మార్పు చేశారు.
తొలి జాబితాలో 115 అసెంబ్లీ స్థానాలకు అభ్యర్థులను ప్రకటించిన సీఎం కేసీఆర్.. నర్సాపూర్, జనగాం, గోషామహల్‌, నాంపల్లి స్థానాలకు ఇంకా అభ్యర్థులను ప్రకటించలేదు బీఆర్ఎస్ అధినేత కేసీఆర్. ఏడు చోట్ల మార్పులు జరిగాయి.. నాలుగు స్థానాలు పెండింగ్‌లో ఉన్నాయి.. నియోజకవర్గాల్లో సమస్యలు పరిష్కరించేందుకు త్రీమెన్‌ కమిటీ.. పరిస్థితులను బట్టి అభ్యర్థులను మారుస్తాం అన్నారు సీఎం కేసీఆర్.
