నందమూరి నట సింహం బాలకృష్ణ హోస్ట్ చేస్తున్న ‘అన్స్టాపబుల్ విత్ ఎన్‌బీకే’ షో సీజన్-3 ప్రోమో వచ్చేసింది. ఈ సీజన్ ను బాలకృష్ణ.. తమ మూవీ భగవంత్ కేసరి టీమ్ తో షురూ చేశాడు. ఈ సారి మూడో సీజన్ కాకుండా ‘లిమిటెడ్ ఎడిషన్’ అనే పేరుతో మళ్లీ ఆహా వేదికగా ‘అన్స్టాపబుల్ విత్ ఎన్‌బీకే’ ప్రసారం కానుంది. తాజాగా అనిల్ రావిపూడి, అర్జున్ రాంపాల్, శ్రీలీల, కాజల్ అగర్వాల్ ఉన్న ఓ ప్రోమో కూడా రిలీజైంది.
“మేం తప్పు చేయలేదని మీకు తెలుసు. మేం తలవంచం అని మీకు తెలుసు. మమ్మల్ని ఆపడానికి ఎవడు రాలేడని మీకు తెలుసు.” అంటూ బాలయ్య చెప్పే డైలాగ్‌తో ప్రోమో షురూ అయింది. అనిల్- బాలయ్య మధ్య కొన్ని ఫన్నీ డైలాగ్స్తో సాగిన ఈ ప్రోమో.. ఇక కాజల్ అగర్వాల్, శ్రీలీల ఎంట్రీతో షో మరింత ఆసక్తిగా మారింది. డైరెక్టర్లు, నిర్మాతలు అందరూ… అయితే బాలకృష్ణతో చేయాలి? లేకపోతే శ్రీలీలతో చేయాలి అని అంటున్నారు’ అంటూ శ్రీలీలను పొగడ్తలతో ముంచెత్తాడు. ‘నా చందమామ, అందాల ఆడబొమ్మ’ అంటూ కాజల్కు వెల్కమ్ చెప్పాడు. ‘ అక్టోబరు 17న ఈ ఎపిసోడ్ ఆహాలో స్ట్రీమింగ్‌ కానుంది.
