రాహుల్ గాంధీ “భారత్ న్యాయ యాత్ర” పై కాంగ్రెస్‌ కీలక నిర్ణయం తీసుకుంది. రానున్న లోకసభ ఎన్నికలు, రాహుల్ గాంధీ “భారత్ న్యాయ యాత్ర” పై సమాలోచనలు చేస్తోంది. ఇందులో భాగంగానే… నేడు ఏఐసిసి ప్రధాన కార్యాలయంలో కీలక సమావేశం జరుగనుంది. ఈ రోజు ఉదయం 11 గంటలకు ఈ విస్తృత సమావేశం జరుగుతుంది.
ఈ తరుణంలోనే.. ఇప్పటికే తెలంగాణ పిసిసి అధ్యక్షుడు, ముఖ్యమంత్రి రేవంత్ రెడ్డి, ఉప ముఖ్యమంత్రి భట్టి విక్రమార్క ఢిల్లీకి ఈ రోజు ఉదయం చేరుకున్నారు. అటు ఢిల్లీకి చేరుకున్నారు ఏపిసిసి అధ్యక్షుడు గిడుగు రుద్రరాజు. ఏఐసిసి అధ్యక్షుడు ఖర్గే అధ్యక్షతన అన్ని రాష్ట్రాల ముఖ్యనేతలతో ఈ సమావేశం జరుగనుంది.
రానున్న లోకసభ ఎన్నికలకు సమాయత్తం పై సమాలోచనలు, రాహుల్ గాంధీ నేతృత్వంలో జరగనున్న “భారత్ న్యాయ యాత్ర” పై ఈ సమావేశంలో చర్చ జరుగనుంది. కాగా మణిపూర్ నుంచి ముంబై వరకు “భారత్ న్యాయ యాత్ర” జరుగనుంది. జనవరి 14 నుంచి మార్చి 20 వరకు రాహుల్ గాంధీ “బస్సు, పాదయాత్ర” కొనసాగనుంది.
